لما فكرت اكتب يوميات مهندس من الارياف احترت ابدأ منين
ابدأ من اول ما اتخرجت .. وللا اول ما اشتغلت وللا من امتي بالظبط
وبعدين حسيت اني لازم ارجع ورا شويه للكليه لان فيه مواقف ما ينفعش تعدي كده
طاب ما ارجع كمان شويه للثانويه مثلا او حتي الاعدادي ... اقولك ان هبدأ من الاول
من الطفوله
وعشان تتخيلوا الطفوله في الارياف هحكي موقف
****
وانا في تانيه او تالته عماره مش فاكر بالظبط
كان عندنا مشروع تصميم مكتبه للطفل
قعد الدكتور يومها ساعه يكلمنا عن احاسيس الطفل ومشاعر الطفل
وعقلية الطفل وازاي بيفكر وازاي بيتفاعل مع الاشياء اللي حواليه
وازاي بيتأثر بيها
وازاي لازم نراعي ده في التصميم بالنسبة للفراغات وفرق المناسيب
والانسيابيه والمرونه وحاول ترجع لطفولتك وتتخيل انك طفل
شوف بتحب ايه وايه بيثيرك ولازم نفكر بعقلية طفل والكلام الكبير ده
واحنا طبعا قاعدين فاتحين بقنا وحاسين بالبله المغولي
وحاسين الدكتور ده جاي من كوكب تاني
وفجأه
فذ واحد زميلنا قايم وقاله
" يا دكتور احنا مكناش اطفال من اللي حضرتك بتتكلم عنهم دول
ولا حتي اهالينا فرجونا عليهم فيديو لو حضرتك عايز تعرف الاطفال اللي بجد
بص من الشباك اللي جنب حضرتك "
وفعلا بص الدكتور من الشباك وكان بالصدفه وقت خروج مدرسة الابتدائي اللي جمبنا من المدرسه
واذا بقطيع من الاطفال اللي ما ينفعش يطلق عليهم اطفال خارجين من المدرسه زي التتار
وساعتها استوعب الدكتور انه من بدررررررررررررري
انه " عمال ينفخ في قربه مقطوعه "
(مثل شوعبي )
هيييييييييييه أول تعليق ليا هنا وأنا أول حد يشوفها صح أنا لسه مش قرأت بس هحتلها بقى
ردحذفهقرأ وأرجع
ههههههههههه ايه ده يا بشمهندس انت خلتنا خل خالص
ردحذفطيب ارفع من معنويتنا شوية ولا هى الأرياف يعنى عليهم غضب ربنا
هههههههههههههههههههههههههههههههههههههههههههههههههههههههههههههههههههههههه
ردحذفلا احنا كنا اطفال زمان
ولا احنا شباب دلوقتى
ولا هنعجز صح لو ربنا ادانا العمر
جودي
ردحذففعلا انت اول تعليق
وانت اول حد يشوفها
هو انت من الارياف يا جودي
لو اعرف مكنتش كتبت البوست ده
بس هو مقدمه عشان محدش يفتكري اني كنت طفل وكده
منوراني دايما
سميه
ردحذفمعاكي حق
بس انا بتكلم علي نفسي
مكنتش اعرف انه في ناس زيي
هههههههههههههههه
ردحذفهههههههههههههههههه
ضحكتني يخرب عقلك هو الدكتور حبكت يدي المحاضرة في الارياف كان راح لناس بتعرف الطفولة ههههههههههههه
الحمد لله انا كنت طفلة امورة ومرتبة ومنظمة :]
ههههههههه مبرروك المدونة الجديدة ^_^
مبروك المدونة الجديدة
ردحذفومبروك كمان انك عندك شجاعة تكتب مذكراتك
مبروك اكتر انك جرستنا قصاد المدونين :))
يعني احنا اكاليم :).. كفاية يعني وخليها مستورة
هو انت منين يا هندسة :)
اصل مش كل الاطفال في الفلاحين واقعين من قعر اوفة الطفولة يعني :))))
هههههههههههه
ردحذففعلا للأسف , معظم الأطفال ما بقوش أطفال ,
الاطفال اللي بجد انقرضوا :)
طيب بقولك ايه يا هندسه الحجه بقي اليي كنت بتجيب منها الحلويات ديه اسمها ايه؟؟ وساعة ما كنت بتحب تعوم كنت بتروح فيه .... هههههههههههه ؟؟ طيب والحلاق بتاع حضرتك اسمه ايه ؟؟ طيب المنطقه الريفيه اليي كنت ساكن فيها اسمها ايه والشارع اسمه ايه ؟؟ احنا نفسنا نعرف كتير عن طفولتك يا شاعرانا العظيم بما انك سهرتني عن الشغل ساعة لحد ما خلصت البوست ده قرايه يا ريت بقي تجاوبني .... هع هع هع
ردحذفحبيبي غير معرف
ردحذفبص يا عم محمد
انا طبعا مش فاكر اسم الحجه دي خلي بالك انا كنت في يوسف فريد
يعني مش اللي قصدك عليها خالص
اما بقي العووووم
انا للاسف مبعرفش اعوم يا محمد
بس فيه صوره عندك كنت بروح العب هناك
ودي في البوست الجاي
الحلاق بقي ده صاحبي وحبيبي وكفاءه وهو اللي بيحلقلك
المنطقه اسمها النزله
والشارع ملوش اسم
انا مسمسه شارع محمد علي هههههههههه
يا عم عوم ايه انت يعني شايفني سمكه بس بصراحه حاجه تزعل بتفتكر البلد وما بتفتكرش انا انا الوحيد اليي بعبرك من البلد وبكلمك تكتب ليه سطرين ع الخطوبه وبتكتب شعر في البلد ........... يا راجل اقولك انا احسن حاجه في البلد ايه
ردحذفتخيل بالنسبه ليه ؟؟؟؟ قهوة بكار؟؟؟
عشان الوحيده اليي فيها شطرنج والشاي بنصف جنيه
هههههههههههههههههه
ردحذفماشي يا عم المهندز
بس انت تتجوز بس وانت تلاقي البوستات نازله ترف عليك
وقهوة بكار وحشتنا يا عم الحج
انا كتبت عنها وعن الشله البايظه
بص يا ريس انا هاقولك حاجه شبه النكته بما انك في السعوديه ومخنوق وانا زيك تام
ردحذفواحد سعودي كان معزوم عند واحد مصري فالمهم المصري بقي حب يأكله الأكل الشعبي بتاعنا فأكله بليليه .. وفول طبعا ... وفول اخضر ... المهم اخينا السعودي وهوه ماشي بيسأل المصري ممكن اسألك في سؤال .. جاوب المصر أسأل يا عم الحج
السعودي سأل انت بتاكل قمح وفول و....
طيب ايه الفرق بينكم وبين البهايم ... سامحني ع التعبير بس ده اليي حصل ؟؟؟
تخيل المصري جاوب قال أيه ؟؟؟
قالوا الفرق بينا وبين البهايم :: البحر الأحمر:::
ههههههههههههههههههههههههههههههه
بس مش كلهم طبعا كده عشان ما نظلمش حد
ههههههههههههه
ردحذفعلى فكرة
مشروع المكتبة ده خدناه في سنة اولى
(:
طول عمري بقول اني سابقة عصري
("
مبروك المدونة الجديدة
(:
بانتظار الجديد انا
ابو العريف
ردحذفمدونه جديده مره واحده
يالله الف مبروك
مذكرات وذكريات
واحداث بقى
بس حلوه اوي حكايه الجري كل يوم الصبح
وعياط كمان
يالله ربنا ان شاء الله هيرزقك بعيال يطلعوا ده كله عليك
هههههههههههههههههههههههههههههه
ردحذفلا تعلييييييق
ضحكتني بجد لكن احاسيس الطفولة جميلة رغم كل شيء
ردحذف