المنظر... غرفة نوم بسيطه جدااا وطفل وحيد نايم مخنفر والمكان متبهدل دليل علي اثار كتيبه من الاطفال اللي لسه قايمين من النوم حالا وصاحبنا لسه ناااايم
صوت من خارج الغرفه " يا محمد قوم يا بني اتأخرت عالمدرسه اخواتك مشيوا خلاص"
- حاضر هقوم اهو
يغطي نفسه اكتر واضعا البطانيه فوق دماغه يمكن تخلي الصوت اللي جاي من خارج الغرفه يسكت
الصوت مجدداااا " يا بني قوم بقي حرام عليك اختك اتأخرت وواقفه هتعيط
- اديني قمت اهووو
وبعد عناء يقوم عمنا محمد في ساعه
ويفطر في ساعه ويلبس في ساعه ويشرب الشاي في ساعه
لازم يشرب كباية الشاي لاااااااااااخر قطره
والاخت الكبري واقفه بتصوووت وتضرب في الارض برجليهالانها اتأخرت جدااا
وبمجرد ما تخرج من الباب تبدأ السارينه
عاااااااااااااااااااااااااااااااااااااااااااااااااااااااااااااااااااااااا
ايون دا صوت السارينه اللي اسمها محمد بتبدأ عياط من اول باب البيت لحد باب المدرسه
لدرجة ان الناس بقوم يظبطوا ساعاتهم عليه
-" يالا مدوا يا عيال الواد اللي بيعيط اهو الساعه عدت 8 "
- " يالا يا بني روح شغلك دا الواد اللي بيعيط عدي من شويه "
- " اديني بقي العيش يا عم امين انا اتأخرت قوي دا الواد الللي بيعيط معدي اهو "
*****
فلاش باك سريع
****
بلدنا اللي هي تنقسم لجزئين او بلدين متحدين
فيها 3 مدارس ابتدائيه
الاولي قريبه من البيت نسبيا ( حوالي كيلو .... كيلو ونص متر )
والتانيه متوسطة البعد ( حوالي اتنين تلاته كيلو متر )
والتالته بعيده جدااا( حوالي خمسه كيلو متر )
وقبل الدراسه ابويا كالعاده قدملي في المدرسه اللي قريبه ( مدرسة المشتركه ) ....هي اسمها كده
لكن المدرسه رفضت
قال ايه
العدد اكتمل
( الا يعني وقفت عليا انا اللي هزحمها ما الفصل عندكو يا اولاد التييييت فيه خمسين طالب
هتخرب الدنيا لو بقوم واحد وخمسين )
فقام رايح المدرسه التانيه ( مدرسة البنين ) برضه اسمها كده مع انها مشتركه بنات وبنين
واللي قبلتني وبدأت انتظم فيها
وبعد اسبوعين
( كنت بروح المدرسه لحد الفسحه وارجع ... لا حد في المدرسه قاللي انت بتروح فين ولا حد في البيت قاللي بتيجي بدري ليه )
انتطردت
قالولي حولنالك ورقك علي مدرسة يوسف فريد
العدد تم
( مش عارف ايه الفرق بين تم واكتمل )
وطبعا مجبرا اخاك لا بطل بقيت اروح مدرسة الشهيد يوسف فريد الابتدائيه اللي تعتبر ابعدهم
وبما انه من حظ اختي الكبيره انها كانت في المدرسه الاعداديه الللي جمبها
فكان حتما ولابد توصلني في طريقها
وبما ان المدرسه بعيده جدااا
وبما اني زي ما حكيتلكم اني كنت بأخر اختي جدااا
فكانت بتضطر انها تمد لما تبقي مستعجله ( زي شفيق يا راجل اللي لما بيبقي مستعجل بيمد )
وطبعا بمقاييسي ساعتها وانا في سنه اولي اختي اللي في اعدادي حاجه ضخمه بالنسبالي
فمعناه انها لما تمد انا عشان امشي معاها لازم اكون بجرررررررري
تخيلو طفل في سنه اولي بيجري ييجي 5 كيلوا متر يوميا
ودا كان سبب العيااااااااااااااااااااااااااااااااااااط
***
واستمر الحال علي كده لحد ما اتعرفت علي مدرس وانا في الطريق
وبدأت اروح معاه المدرسه معاه وهو كان بييدي الفصل التاني
فخدت بعضي ورحت ناقل في فصله
المدرسه تيجي تاخدني فصلي
وانا ارجع اروح للمدرس التاني
وهكذاااااا
***
نيجي بقي لسنه تانيه
وبعد عناء اجتهد عم علي ( اللي هو ابويا )
ونقلني لمدرسة المشتركه ( اللي هي قريبه )
لكن وديااااااا
يعني ابقي مقيد في يوسف فريد ... واحضر في المشتركه
ويوم تسليم الكتب ... بتوع المشتركه رفضوا يدوني كتب لاني مش مقيد فيها
وبعتوني علي يوسف فريد اللي بدورهم قالولي انت كنت فين الكتب خلصت وما فاضلكش
( الغايب مالوش نايب انت جاي بعد ما سلمنا الكتب بشهر )
يبدوا انه كان في فرق في التوقيت بين المدرستين
ويبوا ايضا انهم بيتصرفوا في الكتب الزياده وبينفعوا الجماعه بتوع الطعميه
**
بس احلي حاجه بقي
اني مكنتش بتاخد غياب يعني اغيب براحتي
كمان معاييش كتب يعني ما باخدش وااااجب
ودي كانت احلي حاجه في موضوع الودي ده
***
كمان وانا في اولي كنت في المدرسه البعيده
فامي كانت عملالي ابونيه عند الحاجه بتاعت الحلويات والسندوتشات اللي قدام المدرسه
يعني اخد اللي انا عايزه ببلاش وامي تحاسبها اخر الاسبوع
بس انا كنت فقري كنت بسيبها واروح اشتري من الراجل اللي في المقصف
عشان بيبيع سندوتشات مربي هع هع هع هع
ههههههههههههههههه ايه ده يا بشمهندس ده انت كنت طفل ولا أى طفل طفل كده لوحدك مفيش زيك هههههههههههه أضحك الله سنك
ردحذفدمت بكل الخير والسعادة
هههههههههههههههههههههههههههههههههههه
ردحذفانت فظيع والله.. يالهوي على كده بجد.. بطني وجعني من الضحك
قولي هو البلد ديه ميت غمر؟؟ ولا انا جلت مني كده
المهم والله انا كنت صاحية مش طايقة الدنيا
روح يا شيخ ربنا يفتحها في وشك ويفرجها عليك
زي ما فتحت اليوم قصادي.. وضحكتني
يالهوووووووووووووووووووووي موتني من الضحك بجد
ردحذفمالكش حل بتفكرني بناس كدا (^_*)
جوووودي
ردحذفاهلا وسهلا نورتي المدونه
اه طبعا هو انا كنت طفلا اصلا
احنا عيال مولودين رجاله
فتافيت
ردحذفازيك يا بنتي فينك
لا جلت منك مش ميت غمر
دي بلد في الفيوم
المره الجايه اقول تفاصيل عن البلد
متشكر عالدعوه الجميله دي
كيارا
ردحذفميييييييييييييييييييييييييييين ؟
طول عمرك عيل فقرى يابوالعريف
ردحذفبص بأه يابو العريف
ردحذفلو الصوره بتاعة البلد الارياف اللى انتا عاملها خلفيه لأسم المدونه دى بلدكم اللى فى الفيوم انا ممكن اتطفل عليك يومين فيها وتستضيفنى عشان اصور فيها شويه واعيش اليومين دول فى اوضه طين على الترعه
ده لو مكانش عند حضرت جناب سيادة سعادتك مانع
ولا فيه مانع ؟؟؟
اه بحسب
ومتقلقش انا هجيب اكلي معايا ياعم
ايه بقى التقل ده؟؟؟؟؟
ردحذفكل يوم ادخل اقول يمكن الاقي جديد
مستنية بجد بوست جديد هنا
كل دا في اولى وتانية وابتدائي بس
ردحذفطيب لما كنت في اعدادى وثانوى عملت ايه
هههههههههههههههههههه
بجد بوست يجنن وعسول ودمه خفيف اوى اوى
وسورى لانى شفته متأخر
بس دايما بدخل المدونة التانية ولئيتها مقفولة وللمدعوين فقط
وزعلت اوى اصلى بحب اوى المدونة دى
عموما المهم نطمن عليك
وبجد صعبت عليا اوى اختك اللى تعبتها معاك
يا اختى كميييييييييلة وربنا انت زى العثل يا محمد
ردحذفوكنت مفترى مفترى ههههه ضحكتنى جدااااا ربنا يكرمك يارب
ههههههههههههههههههههههه
ردحذفتححححححفة
بجد ضحكتني